ياسين العياري يرد على "تبرئة الفخفاخ" و"حكايات الكوكايين" : "يا نهار الموت يا نهار الزقفونة" ..

نشر النائب ياسين العياري، مساء اليوم الخميس، النص التالي :

"شباب، شوية جدية يعيشكم، أحنا خبرة في حكايات الظروف، مسمومة و غير مسمومة، الي تعمل عمى القلوب و الي تعمل عمى مؤقت، الزوز، الي تمشي للدشكتوز و الي تمشي لوزارة الخارجية في عوض الداخلية، فشوفو حكاية أشب! شباب شوية جدية يعيشكم، ما خرجش براءة الفخفاخ، مزال ما تعداش للمحاكمة أصلا، تي المحاكم راهي مسكرة للي في حالة سراح، تي وزيره متع مكافحة الفساد محمد عبو وحده معديه ب4 جنايات! أكاذيب نفس جماعة الي دخلوني في حكاية الكوكايين و يا نهار الموت يا نهار الكشفة! هاي الشرطة الفنية تخدم و تجبد فيهم و ستصدمون من نواب الحنينة الباهية، كوكايين و الفخفاخ براءة و فلوس زرقاء، و فوضى التلقيح، لكلها تحضير لنهار 25 جويلية من عند هذيكا الشريفة بنت الفاضل.. شوي صبر و بره، تو يبان كل شيء. شباب شوية جدية يعيشكم، إذا طاحت بالزميل بدر الدين القمودي، إنه يتبع صفحة أدمين مخابرات، كونوا إنتوما بعقلكم.

شباب، شوية جدية يجعل منكم، لرحيل الحكومة الفاشلة ثمة زوز حلول برك، الرئيس يفعل الفصل 99 من الدستور و يعرض ثقة الحكومة على البرلمان أو 109 نواب يسحبو منها الثقة بعد الإتفاق على من يعوض المشيشي (جلسة سحب الثقة هي بيدها جلسة تكليف شخص آخر بتشكيل الحكومة) أو إستقالة المشيشي (محطوطة فرضية فقط، لن يفعلها و كان تموتوا الكل). أطلبوا من الرئيس الفصل 99 و إلا هات نجبدوا الأقراص و الاعواد و نحسبوا 109 نواب.

بلاش نهضة و باراشوكها و قلب تونس، قعدو 217-53-18-28 = 118 منهم 16 عبير و 27 مستقلين. تحبو حكومة بلاش نهضة و توابعها و بلاش مقرونة، يلزم الكتلة الديمقراطية تتحالف مع عبير الي قالت فيهم فاشية و زغراطة. تحبو بلاش نهضة و لا عبير، يلزم الديمقراطية تتحالف مع قلب تونس الي قالت عليه مافيوزي و سارق و مقرونة و مع يوسف الشاهد الي قال عليه محمد عبو مكانه السجن. تحبو بلاش قلب و كرامة، يلزم نهضة و ديمقراطية الي شبعو بعضهم تهم يتحالفو، و ترجع لأيام الصفاء و الوئام و النهضة مظلومة متع ما أحلى ضحكتك سيدي الرئيس. دونك الي تحبوه، أقنعوا بيه أحزابكم، هذه الأقراص و الاعواد إش عطات! هاو من شيرتي، كل لائحة سحب ثقة تتقدم تو نصحح معاهم و هاو بعثت مراسلة للرئيس باش يفعل ال 99. شباب، شوية جدية برحم والديكم، بحور القذارة و الوسخ و العفن و الشائعات و قلة الحياء و السخافة الي تعوم فيهم الشريفة بنت الفاضل، القوية السكبانة، متع الاخلقة و الفازات قريب تنسينا سخافات حكومة المشيشي، تي علاش هكة؟ شبي بنتي؟ تي راكم عملتوا العار بالوسخ و الكذب و ال manipulation بودورو! ما أكذبكم و ما أرخصكم! هذا إش بقالكم يعني؟ عبو عبو النزاهة شكاير! تبيعو للعباد إنه أخلاقكم سامية و بعد هذا إش تعملو؟ عجبي معجبن عجابن من إنحطاطكم! أخيرا شباب، شوية جدية، هذه حكومة رئيسكم، صوت عليها نوابكم، و الي مزال شادها هوما رئيسكم و نوابكم! إنتوما عملتوا كي الي واحد سيب عليك كلب، كبشت في الكلب و نسيت شكون سيبو عليك و علاش. شد مولى الكلب يهديك! شوية جدية! مزالت ستأتي بحور الشائعات و الزبلة و القذارة من هنا لآخر الجمعة، نحبك فايق ولد أختي! السياسة مسخة برشة في تونس، و موش كان الي فايقين بيهم، حتى الي لاعبينها نظاف و ضدهم.. هاي الشرطة الفنية تربش و يا نهار الموت يا نهار الزقفونة! أخرج و إحتج نهار 25 و كل يوم كان لزم (مع الإحتجاج و ضد التجمهر في وضع وبائي، مانيش لا عبير لا نهضة لا تيار لا إتحاد، مانيش أناني و أرواح الناس موش لعبة) ، هذا حقك الي يعطيهولك الدستور و الوضع عفن تعفنا! الأمور تستحق الإحتجاج و الصوت العالي، و السيستام متع الأربعة عايلات و سياسة التبرير و الكلمنجيات بلا فعل و تغول النقابات و يصوت على الميزانية و يقلك ما كنتش نحكم و متع سياسة و سياسيين عام 60 متع الفاكس و يخدم عند لوبي شقرون و يحارب في لوبي المبروك أو بالعكس ما فهموش كفى لوبيات، يزي باستا و كفى : عندك ما يكفيك من الوعي و من الأسباب باش تتصادم مع السيستام و تفتفتو في العمق، لا تستحق إشاعات أحد أجنحة السيستام و أكاذيبهم و نواب الكلينيكات تكور بيك باش تلقى أقصى أمالها، العدل و الداخلية و طرف تلوث و بلاستيك للممول و ترجع كيما كل مرة ما أحلى ضحتك سيدي الرئيس ! #الحريات_فردية_الخلاص_جماعي #عركة_أجيال #باستا_فك #قوية_كان_في_الإشاعات_و_فقنا_بيكم" ..