ياسين العياري يعلق على شكوى الرئيس للوزير المقال: "طوبى للسيستام بيك سيد الرئيس" ..!

رئيس الجمهورية، يستقبل وزير الصحة المقال باش يشكيله من مؤامرة دعوة التونسين للتلقيح أيام العيد.

بالعودة لل var هاو إش نلقاو.

https://www.mosaiquefm.net/.../faouzi-mehdi-deux-journees...

تي إستنى.. هاو وزير الصحة شخصيا يدعو!

موش أيادي خبيثة في غرف مظلمة بيراتات صفحة وزارة الصحة!

ملاحظات شكلية سيادتك:

- لا أحد يريد فرض التحوير الوزاري عنوة، أنت الوحيد الي معطله عنوة، قال شنوة فاسدين و الصراط، تعداو 6 شهر و ما عديت حتى واحد منهم للمحكمة فكانهم فساد أنت متستر عليهم و كان خاطيهم أنت صانع أزمة دفعوا ثمنها توانسة.

- ما نقولوش المغرب الاقصى، إسمها المملكة المغربية، هذه زلة ديبلوماسية و شنوة تسميها موقف تاريخي و سياسي، حل الويكيبديا راك رئيس و كلامك له تأثيرات موش قاعد تحتسي في قصيرة في المنيهلة و الفيديو ممنتج و تعدات، تي ركز!

- مصر الي إستشهدت بيها، من أضعف نسب التلقيح في إفريقيا، و منظمة الصحة العالمية قالت أنها تدلس في الأرقام! أنقر على قوقل ثبت، أطلب صاحب ديوان الآلات الشيطانية (الانفورماتيك) يشوفلك (حين أهدى هارون الرشيد ساعة إلى شارلماني، كسرها و قال آلة شيطانية).

- إذا أرقام وزارة الصحة غالطة، الوزير قدامك راهو!

- ما تنجمش تحكي على الإجراءات الصحية و التباعد و انت خارج في إجتماعات بلاش كمامة، كاسر الحجر الصحي و ماشي تعزي في الطبوبي، ساكت على مؤتمر الإتحاد بعد ما كلاشاوك و وراوك العين الحمراء على حكاية الحوار الوطني، تسافر و ترجع و ما تلتزمش بالحجر الصحي، كنت مثل سيء في هذا على عكس كل رؤساء العالم! تره شوف ترودو كيفاش و هو ملقح إلتزم ب 14 يوم حجر كيف أي مواطن كندي كي روح من g7.

عليه العوض و منه العوض.

أحيانا سيدي رئيس الصحة العسكرية و القوات المسلحة الكل، السكوت راهو من ذهب، المشيشي ماكل كبوط بعد سهرية الحمامات، الغنوشي خانس بعد فضيحة ال80 مليون، ناس تشكر فيك على المجهود الديبلوماسي لجلب التلاقيح أبداهم بالمشيشي الأول شكرك، تعمل فيديو تخلويض تقول إنك حتى بعد 17281 ميت ما عملت حتى جهد ديبلوماسي، المساعدات جات وحدها و تثبت للتوانسة أنك ضايع فيها و جايب الي عمل الازمة تشكيله من الأزمة و تتعهد بمحاسبة الي عملوا الأزمة (أما مستقبله في قرطاج!!).

عليه العوض و منه العوض.

طوبى للسيستام بك سيدي الرئيس، أنت حليفه الموضوعي الي عمرو ما كان يحلم بيه، كلام فارغ متناقض يشحن الناس لا يعطي نتيجة لا ينفع الناس، كلام زبد يذهب جفاء، إيحاء أنك "ستحاربهم و تفعل و تقصف و تحاسب" و أنت فقط تضحك في السيستام إلى حد القهقهة و تتواطئ في قتل التوانسة.

عليه العوض و منه العوض!

غنوشي مشيشي سعيد، ياسر مواتين بعضكم، تستحقوا بعضكم، لكن تونس تستحق ما خير منكم التلاثة!

Peut être une image de texte qui dit ’18% Share of people who received at least one dose of COVID-19 vaccine Share the total population that received at least one vaccine dose. This may not equal the share that are fully vaccinated the vaccine equires two doses. This data is only available for countries which report the breakdown of doses administered by first and second doses. 16% Our World Data 14% 12% Russia 10% 8% 6% Tunisia 4% 2% 0% Dec 15, 2020 Feb 24, 2021 Egypt Source: Official data collated by Our World Data Apr 15, 2021 4,2021 Jul 8, 2021 CCBY’