مقداد السهيلي يوجه رسالة الى امين قارة ومحمد علي دمق : “ماكمش حابين تفهمو؟”..

6 يناير 2018 - 4:03 م

تونس-الاخبارية-وطنية-متفرقات-رصد

نشر نقيب الفنانين مقداد السهيلي على صفحته في الفايسبوك النص الرسالة التالية:

“تليفون ….. البارح عملي تليفون صديقي العزيز الفنان محمدعلي دمق … وطلب مني باش نحضر معاهم في منوعة قناة التاسعة اللي ينشطها صديقي أمين قارة وفيها أصدقائي عبد الحميد قياس وشمس الدين باشا وصديقي بعلوش والفنانة عزيزة بولبيار … ياخي قتلو والله يعطيكم الصحة عالمجهود اللي قاعدين تبذلوا فيه وتفرجت فيكم … وبارك الله فيكم اللي فكرتوا في دعوتي للمشاركة معاكم في الحلقة القادمة … أما ماك تعرف خويا الغالي يلزمكم تخلصوني … ياخي استغرب وظهرتلو كايني نتسبب باش مانحضرش ووليت كايني نحكي معاه بالشنوة … ياخي فسرتلو اللي راي الحكاية بسيطة وتخدم بيها كل قنوات العالم أجمع … أي فنان تقع دعوتو يخلصوه ويتفقوا معاه على مقابل مشاركتو … ياخي عدالي خويا أمين قارة اللي قتلو نفس الكلام … وزدت علمتو اللي فمة فنانين توانسة كل مايتعداوا في أي قناة يخلصوا … وهذا أمر عادي جدا … رغم اللي حتى آخر المكالمة وهوما عاملين جهدهم باش يظهرولي اللي الطلب متاعي غريب وعجيب وكايني نحكي على حاجة هبطت مالمريخ !!!! توة هكة ياناس باقي ماكمش حابين تفهموا !!!!!!!!!!!”..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *